هنا هتتكلم ......* وهنا هنسمعك* ......وشعارنا الصعود بمنتدانا للقمة

اولا: احب اشكر الادارة لموافقتها على الموضوع

ثانيا : الموضوع عبارة عن فتح باب الاقتراحات والاعتراضات لكل الاعضاء بجميع المستويات سواء مشرفين او مراقبين او اعضاء
والموضوع هيتم متابعته من الأدارة
والنظر فى كل اقتراح او اعتراض ومحاولة تنفيذه

بشرط
يكون فى مصلحة المنتدى والادارة هى الى هتحدد اذا كانت موافقة على الاقتراح او الاعتراض الى هيتقدم او لا

كل الى نفسه فى حاجة تتحقق فى المنتدى هيتفضل يقولها وهنشوف الاقتراح ده هيقدر يفيد المنتدى او لا
والى معترض على حاجة برضه هيقولها
والادارة هتعيد النظر فى الشكوى او الاعتراض ده وهنحاول نحل الموضوع بقدر الامكان اذا كان فى مصلحة المنتدى

واحب بس اقول بعض التعليقات من وجهة نظرى على حاجات هنا فى المنتدى

1) المواضيع : حصلت كذا مشكلة على حكاية نقل المواضيع ومشكلة على نسب الموضوع لمين وانا ليا اقتراح ارجو تنفيذه من الاعضاء والمشرفين كمان
فى هنا كتييييير معانا بيقدروا انهم يكتبوا مواضيع من وحى خيالهم والمواضيع دى بتبقى علامة مميزة للمنتدى لاننا بنبقى منفردين بيها ومش موجودة فى منتدى تانى
وفى اعضاء مش بيقدروا يكتبوا مواضيع من خيالهم وبيلجأوا لنقل المواضيع من منتديات تانية ومن غير حتى مايكتبوا ان الموضوع منقول
حبيت اوجه رسالة ليهم وهى عبارة عن ان الموضوع مش لازم يتنقل بالنص وبنفس طريقة الكتابة ممكن نغير فى محتواه او فى طريقة كتابته او بعض الالفاظ او حتى العنوان وبكده يبقى برضه العضو ده عمل تجديد للموضوع وبرضه نبقى احنا منفردين بالموضوع
لانى للاسف بشوف مواضيع كتير منقولة بلاقى فيها اسماء منتديات تانية واسماء شخصيات غير الى كاتبة الموضوع وده كله بيضر شكل المنتدى قدام اى ضيف جاى عندنا لاول مرة

عشان كده بتمنى يكون فى ابداع وتميز ويبقى ديما نبقى منفردين بمعظم المواضيع حتى المنقولة

2) الردود : كتير اعضاء هنا بجد ماشاء الله عليهم بيبقى ليهم ردود فعالة وبتحسس صاحب الموضوع انه خد حقه من الشكر وفى ردود بتبقى مستفزة جداااا لاننا بنشوفها فى كل المواضيع سواء كان الموضوع حلو او وحش يعنى العضو بيدخل يكتب نفس الرد فى اى موضوع من غير ما يكون فى ايجابية فى الرد او حتى اعتراض على حاجة فى الموضوع واتمنى الموضوع ده نسبته تقل عشان كل عضو ياخد حقه بجد على الموضوع الى نزله

3 ) قسم الاغانى والأفلام : بجد ده اكتر قسم فى مجهود فى المنتدى وفى نفس الوقت ده اكتر قسم مظلوم فى المنتدى ومش واخد حقه خالص
المشرف الخاص بيه بيتعب ويجيب اغانى الى احنا بنحملها وبنسمعها وللاسف معظم المواضيع فى القسم ده اكتر نسبة ردود فيها كانت 2 ولا حتى مفيش خالص
انا عن نفسى لما بدخل احمل اغنية لازم اسيب رد واشكره على المجهود الى عمله عشان يجيبهلنا
ونفس الحكاية فى قسم الافلام برضه مجهود كبير اوى بيتعمل وبرضه مش واخد حقه
عشان كده عندى رجااااااء بجد اننا نهتم بالقسمين دول وزى مابنقضى معظم وقتنا فى قسم التسالى والالعاب ندى الاقسام دى ولو 5 دقايق من وقت وجودنا فى المنتدى لانهم مفيهمش حياة خالص للاسف ورغم ان يمكن يكون قسم الافلام الاعضاء مهتمة بيه شوية عن الاغانى بس برضه محتاج اهتمام اكتر والرسالة هنا مش متوجهة لمشرفى القسم لانهم قايمين بالواجب الى عليهم وزيادة لكن متوجهة لكل اعضاء المنتدى والمشرفين كمان

4) قسم كليبات الاعضاء واغانى الاعضاء : عايزة استفسر بس القسم ده المفروض انه يضم مواضيع نوعها ايه لان فى اقسام اغانى كتير واقسام كليبات برضه وانا حبيت اعرف بس دول مختلفين عنهم فى ايه ؟؟

5) اقتراح : وده اول اقتراح وهو عبارة عن انشاء قسم لكلمات الاغانى العربية لان فى اعضاء كتير بيبقوا محتاجين يعرفوا كلمات اغانى واحنا معندناش قسم مختص بالموضوع ده

انا عارفة انى طولت عليكوا بس اتمنى ان كلامى تتقبلوه وانا مش موجهة الكلام لشخص محدد انا بتكلم عــــــــــــامة

ومستنية كل اقتراحتكوا واعتراضتكوا عشان نوصل بمنتدانا للقمة
ومش هقول زى ما الكل بيقول اننا نرجع زى زمان لا انا املى اننا نرجع احسن من زمان

:ض:

المنتدا ر جميل محى كشك

مشكوووووووووور
والله
كلك زووق

ونشكورك
على التسجيل
فى منتديات
selem-emniem

المنتدا جامد جدا مع التمني بالتوفيق والنجاح المنتدا
جاسر المصري

:ــــــــــــــ

الموضوع رائع والمنتدى اروع والله

*هنا هتتكلم *......* وهنا هنسمعك* ......*وشعارنا الصعود بمنتدانا للقمة*

هنا هتتكلم ......* وهنا هنسمعك* ......وشعارنا الصعود بمنتدانا للقمة