هل اعتزل انتحر ام اعاني, قصيده تستاهل من يقرأها

--------------------------------------------------------------------------------

أشتاق لـك لامـر ذكـرك وطاريـك
وأحـزن إذا قلبـك جفـا أو نسانـي
لبيك بأعلـى الصـوت لبيـك لبيـك
يامن ملكـت الـروح قبـل الآوانـي
ياما حلا البسمه إذا جـات مـن فيـك
تروي ظما شوقـي وشوفـك سقانـي
أفـرح ليـا منـي همسـت بأذانيـك
أغلى القصيد اللي نطق بـه لسانـي
أبكيت عينـي ليـن جفـت سوانيـك
وسالت على إثـر العيـون الوجانـي
حتى إن رضيت أكتب مسيرة مغازيـك
فاعلم بأنـي مسـرف فـي المعانـي
لاتحسب إني فـي حياتـي مجافيـك
طبعي الوفا إن كـان طبعـك حنانـي
وإن كان طبعك مـا يوافـق مباديـك
ثـق بالميـه إنـك تعيـس أنـانـي
زولك يطاردنـي وأنـا اللـي أناديـك
لقيـت نفسـي ثابـت فـي مكانـي
لانـي أنـا مطـرود ولانـي ملاقيـك
هـذي حكايـه قلتهـا وأنـت جانـي
أنا أتعنـى لأجـل أحبـك وأراضيـك
إن كنت مـا تـدري ترانـي أعانـي
وإن كنت تدري فالهـوى ميـت فيـك
والحـب مالـه قيـمـة بالهـوانـي
عايش علـى أوهـام نـاس مهاليـك
ماهمهـا كـون الـردى والفتـانـي
مبطي وأنا أشرح لك ظروفي وأداريك
لعل تعـرف وش جـرى وش بلانـي
يامـا تمنيـت الغـلا بيـن أيـاديـك
ويامـا تمنيتـك صـدوق الأمـانـي
أن قلت بأوفي وأن تركتك فـلا أبيـك
وصعبه أشوفك بعـد تركـك ثوانـي
هرجك مثل كثر الدراهم علـى شيـك
وأن جيت أبصرف لا ريـال عطانـي
خالي وفاضك ليـش تتعـب محبيـك
ضيعـت وقتـي فـي كـلام خفانـي
أسهر مع النجمه قبـل يـذن الديـك
لعـل علـم مـن علومـك تبـانـي
جعلتنـي أنـدم علـى كلمـة لـيـك
أثـر المحبـه عندكـم طعـم ثانـي
كنت أحسب إنك تاخذ الحب وأعطيـك
كل الغلا واللـي بقـى مـن زمانـي
صحيح إني أعشق اسمـك وأهاليـك
من قبـل ماتآصـل سنينـك ثمانـي
رميتنـي بسهـم العـدو والبلاجيـك
حتـى الخبـل ذاليـوم فـك العنانـي
فالهـم ذاتـك والمحبـه كلاسـيـك
ومن لا عرف قدره جنى مـا رمانـي
ومـع النهايـه بانشـدك رد ياهيـك
هل اعتزل ... أم انتحر ... أم أعاني ؟


--------------------

_________________